شرح كيفية عمل فيزا او بطاقة ماستر كارد او فيزا كارد وتشغلها عبر الانترنت.
تابع معايا الشرح بتركيز ..
تابع معايا الشرح بتركيز ..
هتدخل ع الموظف المختص بالفيزا تقوله عايز اعمل فيزا ، بدوره هياخد بيناتك وهيعملك ملف كده وهيديلك الفيزا ومعاها وصل وهيبعتك لموظف تانى الموظف ده دوره بس حاجتين هياخد منك مبلغ صغير كده (على حسب كل بنك) وبعدين هيقولك اكتب الباسوورد "4أرقام" هتكتب اى اربع أرقام تعجبك وده مهم لازم تكون حافظهم وده هيكون الباسوورد اللى هيطلب منك على الصراف الالى .. ما علينا بعد متخلص هيبعتك لموظف تانى وهنا مهم ده دوره هينثق ويراجع ورقك وده اللى هتقوله اذا كنت عايز تشغل الفيزا دى عبر الانترنت ولا لا لو قولتله شغلها قدامه الجهاز هيعملك اتاحه او سماح للفيزا دى بانك تستخدمها عبر الانترنت .. بس كده بعدها بتسلم الملف لاخر موظف وبيتحفظ ف البنك كده وبعدين بتاخد الفيزا وتتكل علالله .. طبعا لغاية دلوقتى الفيزا مش فيها رصيد ولا هتقدر تشحنها الا بعد 24 ساعه يعنى بتروح وبتروح البنك تانى يوم اى ماكينه صراف الى بتحط الفيزا وبتعمل (إيداع) بالمبلغ اللى انت عايزه وطبعا بتتاكد ان الفيزا تمام وشغاله سحب وايداع والكلام ده كله لغاية هنا فل وشحنتها وبتسحب وبتعرف رصيدك وكله زبادى .. نيجى للانترنت عشان تشغل الفيزا انترنت وتستخدمها عبر الشبكه دور البنك كده انتهى الدور عليك ودى اخر خطوه (هنا بيختلف نظام كل بنك للتانى) مثلا ناخد مثال للبنك الاهلى المصرى بتدخل على الموقع الرسمى للبنك البنك الأهلي المصري الموقع الرسمي بعدها بتدخل على (خدمات الافراد) ومنها على (بطاقات الخصم المباشر) ومنها على ( خدمة الكود الأمن للتسوق عبر الانترنت) ومن هنا بتدخل تعمل تسجيل فى الخدمة عشان تعمل حاجه اسمها ال (سيكيور كود - Secure Code) او الكود الاَمن وده مهم جداً ليك ولازم تكتب بياناتك صح وتكتب السيكيور كود بتاعك وطبعا لازم تكون كلمة انت حافظها وتكون حروف وارقام لان ده اللى بتطلبه منك المواقع لما تيجى تستخدم الفيزا ع الانترنت سواء سحب او ايداع او شراء او غيره .. المهم هنا ياما الموضوع ده بيتقبل علطول فوقتها ياما لو متقبلش الطلب بتنتظر 3 ايام بالظبط وبدخل تعمله تانى وهيتعمل معاك عادى .. ولو متعمل هتتصل بخدمة العملاء اللى إسمها "خدمة الاهلي فون" على الرقم الساخن 19623 (تقعد ترن كتير ورا بعض لغاية ميردو عليك) تقولهم انك عايز تعمل الكود الامن ( خدمة الـ securecode ) وفى مشكله هيقولك هات بيناتك هتديله اسمك ورقم البطاقة ورقم الفيزا والحجات دى وهيعملك سماح وبتدخل تعمله خلال ساعتين وهيتعمل معاك عادى وكده فل خلاص بتستخدم الفيزا كارد عن طريق الانترنت عادى عن طريق حسابك ف باى بال وغيره.
اتمنى الشرح يكون مفيد ليكو وشكراً.
محسن عبده : مصري الجنسية عربي الهوية مسلم من مدينة المنيا تقع جنوب مصر بدأت العمل على الإنترنت كمدون مبتدأ ثم دخلت عالم الإحتراف والآن أعمل فى مدونة عرب حصري أُحاول تطويرها من وقت لآخر حتى أصل فى النهاية لإيصال كل ما تعلمته إلى أكبر عدد من الناس .
0 التعليقات:
إرسال تعليق